Shillong, Lber 27
Kan long lehse ka jingïalehkai kaba itynnad tam ha ka lympung ïalehkai Invitation Knockout Football Tournament 2023-24 ha kaba ka kynhun ïalehkai jong ka Shillong Lajong kan mih madan biang ban ïakhun pyrshah ïa ka kynhun ïalehkai jong ka Blue Bomber’s ha ka semi final (2nd leg) ka ban long ha ka Sngi Palei ha madan New Nongstoiñ ha ka por 2 baje janmiet.
Lah ban kdew hangne ba ha ka jingïalehkai semi final (1st Leg) ka Blue Bomber’s ka la ïoh ban khur ïa ka jingjop da kaba ka la lah ban pynliem noh da 4-3 kol ïa ka Shillong Lajong. Kumta kane ka jingïakhun semi final jong wat ba ar lehse kan long shisha kaba itynnad.
Na ka liang ka New Nongstoiñ Sports Social & Cultural Club kaba pynlong ïa kane ka lympung sa shisien pat ka la wer ïa baroh ki paidbah ‘riew ïeit phutbol jong ka thaiñ bad na kylleng ki jaka ba kin wan sakhi ïa kane ka jingïakhun hapdeng kine ki ar tylli ki kynhun.
