Don ki kur Khasi jong ngi kiba ai jait kmie bad kiba ai jait kpa ruh. Shipara trai na kajuh ka kmie ki ïa ai jait la ka jong ka jong. Hato kaba kum kane kam wanrah ïa ka shong sang ha ka pateng ki ksiew kiba kham hadien habud la bun pateng. Ha ka rta ki kmie ki kpa ba dang im te dang ïa tip ba ngi dei na kajuh ka kur. Hynrei ha ka pateng ki khun bad ki ksiew kim tip shuh ba ngi ïa dei shipara. Namar ngi ïa ai jait la ka jong ka jong, don kiba ai jait kpa don kiba ai jait kmie, namarkata kane ka rukom ai jait jongngi ka long thurmur ka ïalam sha ka shong sang hadien habud ki pateng ki ksiew. Ka dustur ka riti jong ngi kiba bud ïa ka jingai jait kmie ka ialam sha kaba ma ha ki pateng ban wan. La dei ka por ban ai jait noh tang ha u kpa uba ai symbai kan ym don ka jingshong sang, namar ki tip ba ngi dei na ka doh ka snam na ujuh u kpa uba ai symbai u rnai. Hynrei haba ai jait kmie ka la dei jan tang ka kyrteng kur katba u symbai u ïapher sha bneng sha khyndew. Te kaba kum kane kam wanrah ïa ka shong sang na ki pateng ba hadien habud haba ki khun kiba mih na kajuh ka kmie bad u kpa ki ïa poikha? Ka shong sang kam dei na ka kur hynrei ka dei na ka doh ka snam kaba jan.
C. B. Iawphniaw
