Jowai, Lber 31
Ka ding kaba klang ka la bam duh ïa ka ïingsah jong u Bah Wanmon Pohshna ha ka shnong Kuliang, East Jaiñtia Hills District.
Kane ka la jia ha ka 30 tarik Lber ha ka por 1:30 mynsngi ha ka por bym don mano-mano ha ïing.
U Bah Wanmon Pohshna u don 5 ngut ki khun kiba dang rit. U la ïathuh ba ha katei ka jingjia baroh ki jingdon-jingem hapoh ka ïing ki kylla dpei bad u mar rep (kwai) u la duh lut. Kumta u la kyrpad ïa ka Sorkar bad ïa ki paidbah ban ïarap ïa u ban ïoh tei biang ïa ka ïing.
