Shillong, Lber 31
Ka Rangkynsai Cricket Club ka la khur jingjop ha ka lympung ïalehkai Super Division Shillong Cricket League ba la pynïaid da ka Shillong Cricket Association ha ka Sngi U Blei ha madan Polo.
Haba phai sha ka jing-ïalehkai, ka Rangkynsai Cricket Club kaba la jop ka jingkynting pisa bad kam trai ban nyngkong, ka la kamai haduh 261 run na ki 45 overs bad hap haduh 9 tylli ki wiket.
Ki nongtied ka Rang-kynsai kiba la ïoh kamai run ha kane ka jingïaleh-kai ki long u Ajay Duhan uba la tied 92 run tang na 75 bol bad u Kishan Lyngdoh u la tied 47 run na 49 bol, katba u Kevin ka NFU CC uba la kawang 9 over u la shim 3 wiket bad ai 52 run bad u Akash Chou-dhary pat na ki 9 over kiba u la kawang, u la shim 2 wiket bad ai 41 run.
Haba beh ïa katei ka thong kaba heh, ki nong-tied ka NFU ki la lah ban kamai tang 169 run bad hap lut baroh ki wiket na ki 42.2 over. U Ashif Khan u la ïalehkai bha da kaba ïoh 43 run na 55 bol bad u Joydeepan Deb uba la tied 32 run na 58 ki bol, katba u Chaman uba la kawang 8 over u la ai 13 run bad shim 3 wiket, u Charm pat u la shim 2 wiket na ki 4 over bad ai 12 run.
Kumta kane ka la pynlong ïa ka Rangkynsai ban jop ïa kane ka jingïalehkai da 92 run bad ha kane ka sngi ïa ka nam ‘Player of the Match’ la ïoh da u Ajay Duhan uba la tied 92 run na 75 bol.
