Ha ka jingim jongngi ki briew hangne ha sla pyrthei ngim lah lait ban khlem tih maw tih shyiap bad pom ïa ki dieng ki siej. Namar ki long kiba donkam eh ban ïoh shna jingshna bad thaiñ jingthaiñ bad bun ki jingdonkam ha ka jingim. Lada ngim pom ïa ki dieng ki siej, te kata ngim donkam shuh ban shna ïing shna sem.
Ngi shu rieh beit shapoh ki synrang maw bad ki thliew dieng kum ki sim ki doh. Hynrei ngi ki briew ngi donkam ïa ki dieng ki siej ïa ki maw ki shyiap ban tei ïing tei sem. Ban khlem pom ïa ki dieng ki sien bad ban tih maw tih shyiap ka long tang ka jingkren bym lah ban pdiang da kiba bun kiba im kamai jakpoh na ki dieng ki siej bad ki kam tih maw tih shyiap. Hynrei ngi dei ban da pyrkhat bha ki dieng kiba kumno ngin pom bad ki par maw par shyiap kiba kumno ban tih bad khlong ïa ki. Bad ym dei ban shu pom bad khlong naphang khlem da peit bniah.Namar kum ban shu ong noh ki don ki jaka ba don ki tyllong umdih te ka donkam ban pynneh ïa ki khlaw kiba don hajan ki tyllong umdih ban ym duh ka um ba ngi donkam eh ha ka jingim. Kane keiñ ka long ka jingmyntoi kaba ngi ioh na ki dieng ki siej bad ki maw ki shyiap.
C. B. Iawphniaw
