Shillong, Lber 31
Namar ka jingsniew ha ka jinglong-jingman ka suiñbneng kaba jia kyndit ha ka janmiet Sngi U Blei, ka Meghalaya Ener-gy Corporation Limited (MeECL) ka la hap ban pynlip kyrkieh ïa ka bording ilektrik ha baroh kawei ka Jylla kynthup ha nongbah Shillong namar ka jingkhyllem ki dieng bad julor ki ‘transformer’ bad ki ‘power line’.
Ha u kyrwoh ba la pyllait da u CMD ka MeECL, u Sanjay Goyal, la ong ba ka jingkhie kyndit ka lyer kaba jur bad jinghap slap ha katto-katne ki jaka ka la pynlong ïa ki dieng ban shah rat naduh tyllong bad don ki dieng kiba kheiñ ki tnat kiba heh kaba la pynlong ïa ki waïar ilektrik ban shah ktah namar ka jingkhyllem jong ki dieng. Kumta u Goyal u la ong ba namar ki kynrum-kynram bad shah ktah jong ki ‘transformer’ bad ki ‘power line’, la hap ban pynlip bording kyndit. U la ïathuh ba ki briew ka MeECL ki la trei sngi bad miet ban pynbha bad pynïoh biang ïa ka bording sha ki nongshong shnong.
