Shillong, Lber 31
U kyrtong shimet, Prof. Lakhon Kma u la ïoh pdiang da ka ‘Shang Soh’, ka ban long ka shap jong u ha kane ka ilekshon ban wan sha ïingdorbar Lok Sabha.
U Prof. Kma u long uwei napdeng ki 6 ngut ki kyrtong ki ban ïa aireng ha ka ilekshon MP na Shillong Parliamentary konstitwensi nalor u Dr. Ricky A.J. Syngkon na ka Voice of the People Party (VPP), Bah Vincent H. Pala na ka Indian National Congress (INC), Bah Robertjune Kharjahrin na ka Regional Democratic Alliance (RDA), Dr. M. Ampareen Lyngdoh na ka National People’s Party (NPP), bad Bah Peter Shallam, kyrtong shimet.
“Ngi dang don ka jingkyrmen na ka bynta ka jingthmu ba bha ban wanrah ïa ka roi ka par bad ngi khmih lynti ban ïoh mad ïa u soh bathiang. Ha u soh…u soh jong ka jingkyrmen jong ka lawei jong ka jaidbynriew,” la ong u Prof. Kma ha ka rynsan lad pathai ‘Facebook’.
