Moscow, Lber:
Ka tnat iada jong ka Russia ha ka Sngi Thohdieng, ka la pyntip ba ka la ioh ban kem noh ia 3 ngut ki briew kiba dei na ki ri ka thaiñ ‘Central Asia’ bad kiba thmu ban leit thombor ia ka thaiñ Shathie jong ka Russia ha katei ka sngi.
Kumta, ka tnat FSB ha katei ka sngi ka la pynbna ba ka la ioh ban tehlakam noh ia ka kam thombor jong kitei 3 ngut ki nongwei na Central Asia kiba thmu ban leit thombor da kaba pynkhreh ruh ia ki tiar pynbthei ban leit pynbthei sha ki jaka paidbah ha ka thaiñ Stavropol jong ka Russia.
