Haiti, Lber:
Uwei u YouTuber na America uba kyrteng u Addison Pierre Maalouf hynrei uba la ju tip paidbah kum u YourFellowArab lane Arab, u la shah rahbor ha kynhun runar jong ka Haiti katba u dang leit ban shim ‘Interview’ ia u heh nongialam ba hakhlieh jong katei ka kynhun runar- u Jimmy “Barbecue: Cherizier, bad buh jingkylli ia utei u nongialam halor ka jinglong-jingman ha katei ka ri namar ka jingiakynad kaba la pynkhih win ia katei ka ri ha kine ki sngi mynta.
La ong ba tang hadien katto-katne ba ki la leit poi sha Haiti, u Maalouf bad uwei nong Haiti uba synran ia u ha katei ka jingleit, ki la shah ialam noh ha ki dkhot jong ka kynhun runar 400 Mawozo ha ka 14 tarik Lber 2024.
Hynrei, ynda ki la poi sha katei ka jaka, la ong ba utei u YouTuber u la shah rahbor bad shah pyndonkam pynban kum u nongshah rahbor ha ryngkat ka jingdawa pisa $6,00,000 nalor jong ka $40,000 kaba la dep ban siew sha kitei ki kynhun lehnoh jong katei ka ri.
U Mr. Maalouf u la don kumba 1.4 Million ngut ki nongkyrshan (Subscribers) ha katei ka rynsan ‘Social Media’ ka ‘YouTube’. Bad la ong ba dei u paralok jong u hi uba ju ia pyllait dur-khih lang bad u, uba la iathuh bad pynbna halor katei ka jingshah rahbor jong utei u briew ha katei ka sngi.
