Shillong, Lber:
Ka Upstox, kaba long kawei na ki rynsan ba kiew sted bha ha India ha kaba ïadei bad ka khaïi-pateng bad ka jingkheng pisa, ka la plie ïa ka jingïalap paidbah ban pynsaphriang ïa ka kyrteng jong ka ne ïa ka Brand lyngba ki buit stad treikam bathymmai, ïa kaba la tip kum ka ‘Cut the Kit Kit, Get in the Market’. Da kane ka jingïalap paidbah, ka jingthmu jong ka Upstox ka long ban ïarap ïa ki nongkheng pisa ba ki lah ban ïoh ïa ki kheng pisa ha ka rukom kaba biang khlem da hap ban mad ïa shibun ki jingeh, ki jingsaw bad ïoh than ïa shibun ki jingtip. Katkum ka jingwad bniah jong ka Upstox ka pyni ba ka jingïaid lynti ha ka jingkheng pisa ba la leh da ki briew ka lah ban long kaba bun ki jingeh namar ka jingbym ïoh ïa ki jingshai kiba biang, ka jingïoh ïa ki jingbatai kiba lah ban ïalam bakla, ka jingïoh bun than ki jingtip, ka jingpyndonkam ïa ki kyntien ki bym lah ban sngewthuh, kaba lah ban ïalam sha ka jingbuh ne kheng ïa ka pisa jong ki briew khlem da ïahap bad ka jingthmu jong ki.
Ki nongpyndonkam bunsien ki kham phai khmat bha sha ka jingïoh ban ïa ka jingma bad ki jingkheiñ kiba ïadei bad ki jinglut ha kaba ïadei bad ka Mutual Fund bad ka Insurance Plan, kaba ïalam sha ka rai ka bym bit bym biang bad ka bym da don ka jingshngaiñ hapdeng ki nongkheng pisa. Ka Upstox ka thmu ban ïaleh ban pynduna ïa kine ki jingeh da kaba weng ïa kine ki jingjyrwit jyrwat ha ka ïew bad pynshlur ïa ki briew ba kin kheng pisa ha kaei kaba bha tam na ka bynta jong ki, bad kata ka long “Cut the Kit-Kit” bad pynshlur ïa ki briew ba ki lah ban kyntiew ha ka jingïoh ïa ka spah ka phew. Ka Kavitha Subramanian, Co-Founder jong ka Upstox, ka ong, “Ka jingthmu jong ka Upstox’s mission ka long ban pynkup bor ïa man la ki nong India da ki jingtip kiba dei bad ki jinglad ki lynti kiba biang ban kheng pisa ha ka rukom kiba biang ha kylleng ki bynta bapher bapher, da kaba kiar ïa ki jingma kiba kynrei.”
Ka Upstox ka la pyllait paidbah ïa ka phlim kaba long ka jingïalap paidbah shaphang jong ka kaba la tip kum ka “Cut the Kit Kit, Get in the Market” kum ka khubor sha ki nongkheng pisa. Ïa kane ka phlim la ring ha ka jaka ba pynlong ha ka Theatre ne ka rynsan, ha kaba ki nongkheng pisa ne ki nongbuh pisa ki la pynpaw ïa ka jingsngew kwah jong ki ban buh ïa ka Mutual Fund, kaba pyni ïa ka jingkhih lamwir bad ka jingkulmar jingmut ha ka ïew.
