Islamabad, Lber:
Katkum ki khubor, la ong ba ka Pakistan ha kane ka sien ka la pynkiew biang ia ka dor jong ka umphniang kali hadien ba ka ioh ka kot bad ka khaii-pateng ha katei ka ri ka la hiar shi kat dei, bad ka sorkar kam banse ban shim ia katei ka rai ha ka Sngi Saitjaiñ da kaba pynkiew biang noh ia ka dor jong ka umphniang kali hapoh ka ri.
Nalor kata, la ong ba ka dor jong ka umphniang ruh ka la kiew shisien kiew kumba 10 tyngka ha ka pisa Pakistan (Pakistani Rupee PKR) bad ka daw jong kane kam long tang namar ka jingduk ha Pakistan hynrei la ong ba namar ka jingkiew dor jong ka umphniang ha ka iew iadie iathied ha ka pyrthei baroh kawei.
Kumta la ong ba ka dor jong ka umphniang Petrol hapoh Pakistan ka lah ban kiew noh sha ka PKR 289.69 shi litre naduh ka sngi ka ban wan, na ka dor kaba PKR 279.75 shi litre kaba ju ioh barabor.
Katba, ia ka dor jong ka umphniang High-Speed Diesel (HSD) pat, la thmu ban pynhiar biang noh sa kumba PKR 1.30 shi litre bad kaba mut kan hiar noh sha ka dor PKR 284.26 shi litre na ka dor kaba PKR 285.86 kaba ju long baroh shi katta.
Kumjuh ruh la ong pat ba ia ka dor jong ka umphniang sharak ‘Kerosene’ la ioh jingtip ba kan kiew noh da kumba PKR 0.17 shi litre bad kaba mut kan kiew noh sha ka dor PKR 188.49 shi litre na ka dor kaba PKR 188.66 shi litre.
Katba, ia ka Light Diesel Oil (LDO) pat la ong ba ka lah ban kiew da kumba PKR 0.45 shi litre na ka PKR 168.18 shi litre kumba ju long sha ka PKR 168.63 shi litre ha kine sngi ban wan.
