Shillong, Ïaïong 01
Ha kawei ka jingjia ha Rilum Garo, ki nongshong shnong jong kawei ka shnong ki la pyndait hi biang ïa ki sainar ilektrik hadien ba ki la shah pynduh bording namar ka jingbym siew ïa ka bai thang bording.
Ha ka khubor ba la ïohlum na ki pulit, la ong ba ha ka 30 tarik Lber, ki bor ba dei khmih jong ka Meghalaya Power Distribution Corporation Limited (MePDCL) ha Bajengdoba, North Garo Hills, ki la ujor da ka ejahar ba ki la don bun ngut ki nongpyndonkam bording ha kawei ka shnong kaba hap ha West Garo Hills kiba la pynkheiñ ïa ki kyndon jong ka Indian Electricity Act, 2003.
Ka jingpynkheiñ ïa ka Indian Electricity Act, 2003 ka long ba kita ki nongpyndonkam bording ki la leh hi ban pyndait biang ïa ki sainar ilektrik ban ïoh bording hadien ba ki la shah pynduh bording namar ka jingbym siew ïa ka pisa kaba dei na ka bynta ka bai thang bording.
