Lada ki seng riewlum kim lah ban ïa tylli, kin ym lah shuh lano lano ruh ban ïoh bat ïa ka synshar ka khadar hapoh ka jylla. Lada ki seng riewlum ki ïa trei lang bad ïa long kawei ban phah ïeng ïaleh tang kawei ka symbol, kata ka jingjop ïa ka jaitbynriew. Lym kumta ngim lah shuh ban pyrta ba ki ïeng ban ïada ïa ka Ri bad ka jaitbynriew.
Lym kumta ngim lah shuh ban pyrta ba ki ïeng ban ïada ïa ka Ri bad ka jaitbynriew. Hynrei ki ïeng ban pynpait pynpra bad phiah ïa ka jaitbynriew. Ah lano ki seng saiñ pyrthei riewlum kin ïa long kawei. Ki paidbah ka Bri u Hynñiewtrep ki khmih lynti ïa ka Shillong Parliamentary seat ka dei ban leit beit sha ki seng riewlum lada ym don ka ïapait-ïapra para seng riewlum. Hynrei na ka daw ba la knieh long Myntri Rangbah ha Jylla ka sa mih bun ki parti seng riewlum na ka por sha ka por khlem lah ban ïoh bat ïa ka bor synshar ïa ka Jylla, kaba ngi kwah bad khmih lynti ban ioh synshar ka seng riewlum trai ri trai muluk ha ka Jylla. Kane ka jingkwah jong ki paidbah ka Bri u Hynñiewtrep. Hynrei na ka daw ka jingïapher ki nongïalam jong ki parti trai ri ka jingjop la leit noh sha ki seng rit thor napoh ka dewbah India. Ko seng riewlum to ïa tylli tang ha kawei ka lama hapoh ka Jylla.
C. B. Iawphniaw
