Imphal, ïaïong:
U Myntri barim jong ka Manipur bad u Lamphang jong ka ïingdorbar u Irengbam Hemochandra Singh u la mih noh na ka seng ha ka por bym poi pyrkhat ha ka sngi U Blei.
Ka la long ka jingduhnong kaba khraw na ka bynta ka seng Congress ha kum kane ka por ban pynlong ïa ka ilekshon.
U Hemochandra Singh, uba la 59 snem ka rta u la long MLA la san sien na Singjamei bad u la phah ïa ka shithi iehnohkam jong u sha u President jong ka seng Congress ha ka jylla u Keisham Meghachandra Singh, ha kaba u la ong ba mynta um don jingshaniah shuh hapoh ka seng.
“Nga la shim ïa kane ka rai da ka jingsngewkhia mynsiem. Ka seng Congress kam donkam eh ha Manipur,” u la ong ha ka jingïakren bad ki nongthoh khubor, ha kaba u la ong ba kane ka seng ka long ka bym treikam ei ei bad ka la long kum ka lieng kaba la ngam”, la ong u MLA.
Ki briew kiba shemphang bad kiba shida kim long kiba donkam na ka bynta ki nongïalam jong ka seng Congress hapoh ka jylla, u la bynrap.
