Shillong, Ïaïong 01
Uwei na ki rangïalehkai wushu ka Jylla hapoh ka lama jong ka Meghalaya Wushu Association (MWA), u Ethan Nongdhar na Lumparing, Shillong u la khur ïa ka takma rnong ha ka 23rd Sub-Junior National Wushu Championship bad Junior Kheio India Women’s League kaba la long ha Indoor Hail Bhagwati Nagar, Jammu University.
Ïa kane ka lympung ïalehkai ba la pynïaid da ka J&K Wushu Association hapoh ka jingkhmih jong ka Wushu Association of India (WAI) kaba la sdang naduh 26 tarik bad pynkut ha ka Sngi U Blei (31 u Lber).
Ha ka jingshisha ka Jylla ka la phah haduh hynriew ngut ki khynnah ba kynthup kawei ka khynnah kynthei ka Siselia Dkhar lem bad 5 ki khynnah shynrang kiba kynthup ïa u Ethan Nongdhar, Daomanmi Mynsong, Steven K.Thabah, Pynïohnam Marboh bad u Bishar Lyngdoh Nongpiur, hynrei tang uwei uba la lah ban khur ïa katei ka takma.
U Ethan u dei u khynnah uba la shah hikai ha u Bah Pynshai Mawrie (coach) na Mawlai Phudmawri. Kiwei pat ki khynnah kiba la shah rem noh ha ka quarter final ki long u Pynïohnam Myrboh na Kharang, Daomanmi Mynsong na Jongksha bd u Steven na Madanrting, kumjuh ka Siselia na East Jaiñtia ka la shah rem noh ha ka quarter final jong ka Khelo India Women’s league.
Ïa kane ka kynhun la ïalam da u Bah Niawki lakai (NS NIS Wushu Coach) jong ka MWA uba na Ïooksi, West Jaiñtia Hills District.
