Guwahati, ïaïong:
Ha kaba ïadei bad kawei ka jingpyntreikam, ki pulit jong ka Cachar ki la ïoh ban kurup ïa ki jingdih pynbuaid kiba shongdor T. 2 klur bad kem ïa ar ngut ki briew.
U SP jong ka Cachar u Nomal Mahatta u la ong ba ha kaba ïadei bad ka jingai khubor jong ki kynhun wad bniah ka kynhun pulit jong u ka la pynlong ïa ka jingleit thwet kaba kyrpang ha ka miet jong ka sngi Saitjaiñ ha ka ïew Manipuri, ha Islamabad, Bagha Bazaar ha Dholai, ha kaba la ïoh ban kurup ïa 31 tylli ki song sabon kiba don ïa u Heroine uba don ïa ka jingkhia kaba 375 gram na ka jingkhmih bniah na ki arngut ki briew.
Ïa kine ki briew kiba la shahkem la tip kyrteng kum u Md Mojibur Rahman (27) bad u Hirumoni Laskar (27). Kine baroh arngut ki dei ki nongshong shnong jong ka thaiñ Dholai. U Mahatta u la ong, ba kine ki song kiba don ïa ki jingdih pynbuaid ki dei kiba la shalan beaiñ na Aizawl. Ïa u drok la kurup noh bad la khang ïa ka jaka ba la ïoh ban kurup ha ryngkat ka jingdonlang jong ki nongsakhi kiba laitluid, la bynrap shuh shuh u SP.
