Shillong, Ïaïong 01
Ka kam ban sdang rah shalor ïa ka jingkieng ha Pung Umïam na ka bynta ban bujli ïa ki ‘bearing’ ka la sdang bad ka jingrah ïa ka jingkieng kan nym long eh shaduh shajrong.
U CMD ka MeECL u Sanjay Goyal u la ong ba naduh ka Sngi U Blei la sdang ban pynïaid ïa ka kam ha ka por ba khang ban ïaid ki kali ha ka Sngi U Blei.
Kumta u la ong ba ynda la biang lut ka jingpynkhreh yn rah ïa ka bynta jong ka jingkieng shalor bad yn shim ki lad ki lynti ban nym khang shuh ïa ki kali, hynrei yn pyrkhing beit tang ïa ka jingkhia jong ki kali kiba heh bad kiba kit jingkit kiba kham khia.
U la ong ba yn pyrshang ban pyndep ïa ki kam hapoh kine ki sngi ba la buh kata haduh ka 8 tarik u Ïaïong.
U la ong ruh ba ka jingmaramot ïa ka dam ka dang ïaid bad la antad ba ha u Jylliew yn lah ban pyndep noh kaba long ka jingshngaiñ ym tang ïa ka dam hynrei ïa ki kali kiba ïaid lyngba man la ka sngi.
U Goyal u la ong ba ka jingmaramot kan kham pynjlan biang ïa ka rta jong kane ka jingtei sa kumba 35 haduh 40 snem eiei.
