Shillong, Ïaïong 01
Ha kawei ka jingjia kaba la ïohlum na ki pulit, la ong ba u H Challam, uba long u Home Guard Volunteer ha ka tnat pynïaid kali jong ki pulit ka Jowai, West Jaiñtia Hills, u la ujor ba ha ka 27 tarik Lber ha ka por kumba 10:15 mynstep, u la khnap ïa ka shaka jong kawei ka kali Maruti Alto K10 (ML-04D-6822).
Ka khubor ka ong ba ïa katei ka kali la ñiah da uwei u briew ba la tip kyrteng kum u N Siangshai bad ka jingshah khnap ka shaka ka dei namar u la pynïeng ïa ka kali ha ka jaka ba la mana ha Sumo Stand, New Hills, Jowai.
Hynrei ki pulit ki la ong ba u Siangshai u la byrngem byrsit ïa utei u Home Guard namar ka jingkhnap ïa ka shaka kali, bad ha kajuh ka por, u la pynkynriah jubor ïa ka kali na katei ka jaka kaba la pynjulor ïa ka khnap kaba dei ka mar jong ka sorkar.
