Shillong, Ïaïong 01
Ka National Cricket Academy Bengaluru jong ka BCCI ka la jied ïa 9 ngut ki rangïalehkai kriket ka Jylla ban ïashim bynta ha ka prokram kilanmet jong ka North East Senior Men ha Guwahati naduh 8 tarik u Ïaïong haduh 2 tarik u Jymmang 2024.
Kine ki rangïalehkai ki kynthup ïa u Akash Kumar Choudhury, Swarajeet Das, Jaskirat Singh Sachdeva, Dippu Sangma, Abhishek Kumar, Ram Gurung, Kishan Lyngdoh, Raj Biswa bad u Aryan Borah.
Ka jingjied katei ka Selection Committee jong ka BCCI ka la long hadien ba kitei 9 ngut ki rangïalehkai ki la lah ban pynpaw ïa ka sap ïalehkai ba kyrpang ha ki lympung ïalehkai jong u snem ba la dep ba la pynlong hapoh ka ri kynthup ïa ka Syed Mushtaq Ali Trophy (senior men’s T20), Vijay Hazare Trophy (senior men’s one day) bad ka Ranji Trophy (senior men’s first-class).
