Mawkyrwat, Ïaïong 02
Uwei u samla rangbah uba kyrteng u Shanborlang Lyngdoh Marshillong ba dang 27 snem ka rta na ka shnong Mawlangwir ha South West Khasi Hills District u la jah naduh ka step jong ka 26 tarik u Lber 2024.
Katkum ka jingïathuh u Kñï, Bah Prosper Lyngdoh Marshillong u la ong ba u Shanborlang Lyngdoh u la mih khatduh na ïing lok na Mawkyrwat ha ka step jong ka 26 tarik ha ka por kumba 9 baje eiei hynrei haduh mynta u khlem wanphai shuh sha ïing.
U Bah Prosper u la ïathuh ruh ba la ïoh ban ‘phone’ khatduh ïa u da ka para arkmie jong u ha ka por kumba 11 baje eiei hadien ar kynta ba u la mih na ïing, hynrei haba la pyrshang ban phone sa ka lok jong u ha ka por kumba 12 baje mynsngi, la ïathuh ba ka ‘phone’ jong u ka la lip.
Kumta na ka liang ki bahaïing jong u Shanborlang Lyngdoh Marshillong ki la sah ha ka umdum bad lyngngoh halor ka jingjah jong une u samla. Namar kata, ki la kyrpad ïa ki paidbah bad ki paralok-parajor ba lada ki ïohi ïa u, ki lah ban ‘phone’ ne pyntip ha kine ki number 9485146567, 9366528828 ne ki lah ruh ban pyntip sha ki nongpynïaid shnong jong ka Mawlangwir.
