Srinagar, ïaïong:
Ka President jong ka People’s Democratic Party (PDP) ka Mehbooba Mufti hynnin ka sngi ka la kynnoh ba ka seng BJP ka la ai mynsiem ïa ki samla khlem kam khlem jam ha ka ri ba kin thombor pyrshah ïa ki Muslim kiba la pynpaw halor ka jingïoh laitluid jong ki ban thombor pyrshah ïa ka kynhun rit paid.
Ka Mufti ka la kren halor ka jinglait khubor kaba la ïathuh ba u Imam jong ka mosque ne ka jaka mane blei jong ki Muslim ha Khushinagar kaba don ha Uttar Pradesh la pynshisha ba u la shah shoh bad shah leh donbor ha ki runar bad ki pulit kim shym la patiaw ban leh ei ei pyrshah ïa kine ki runar.
Kane ka jingbym leh ei ei jong ki bor bahalor pyrshah ïa kine ki runar ka la nang ai mynsiem ïa ki ha ka ban thombor pyrshah ïa ki Muslim.
Kane ka jingïohmon jong kine ki briew naba ki shem ba ki bor sorkar kim lah ban leh ei ei ka la pynrit mynsiem ïa ki ritpaid khamtam ha kaba ïadei bad ka jingim jong ki ha ka imlang ka sahlang bad kumjuh ha kaba ïadei bad ka lawei jong ki khun samla.
“Ka BJP ka la kam ba ka la lah ban wanrah ha ka jaka ki maw da ki Laptop ha Kashmir. Hynrei ka la long tang ka jingïohi kaei kaba la jia ha kiwei pat ki ri ka pyrthei, la sakhi ba ha kane ka ri ki la don shibun ki jingjia kiba la paw ba ki samla khlem kam khlem jam ki la leh donbor bad thombor pyrshah ïa ki Muslim tang namar ba ki pynpaw pyrthei ïa ka jingleh donbor jong ki,” la ong ka President jong ka PDP ha ka jingpyllait khubor lyngba ka rynsan phah khubor ka X.
Ka la ong ba ka long ka jingjia kaba sngewsih ba ki samla ki shem ba ka lawei jong ki ka la shah pyntroiñ noh katba ki dang lah ban leh donbor pyrshah ïa ki Muslim.
Ha ka jaka ban pynurlong ïa ki jingkular ba la buh ban ai kam ïa ki 2 klur ngut ki la pynduna ïa ki da kaba ki la pynmih ïa shibun ki runar ki ban pynibor pyrshah ïa ki rit paid.
