Shillong, Ïaïong 02
Ha kawei ka jingjia, ki pulit ki la pyntip ba uwei u nongkit kwai u la shah rahbor ha ki briew ki bym lah ban ithuh ha ka Lah Sngi U Blei, hynrei kita ki nongrahbor ki la pyllait noh ïa u tangba ki la kit noh ïa u kwai.
Ki pulit ki la ong ba uwei u briew ïa uba la tip kyrteng kum u Barik Ali u la ujor ba hynnin ka sngi katba u dang don ha ka trok (AS-01LC-8305) kaba kit kwai, ki runar ki bym lah ban ithuh bad kiba don kumba 7-8 ngut kiba la shong ha ar tylli ki kali Maruti Alto ki bym don nombor satia, ki la rahbor ïa u na ka jingkieng Umkhen sha Diengpasoh, East Khasi Hills.
Kham hadien, kita ki runar ki la pyllait noh ïa u ha Diengpasoh, hynrei u la lap ba 300 byrni u kwai u la jah na ka trok.
