Mairang , Ïaïong 02
Ka Eastern West Khasi Hills District Cricket Association (EWKHDCA) ha ka sien kaba nyngkong ka la lah ban pynlong ïa ka prokram ai jinghikai (Coaching cum Selection) na ka bynta ki khynnah Under-16 shynrang bad Under-15 kynthei ha ka 30 tarik u Lber 2024 ha madan Khatsawphra College.
Kane ka prokram ka long shi bynta ban phah ïa ki khynnah sha ka Coaching Camp wat kaba nyngkong ban pynlong da Meghalaya Cricket Association ka ban sdang naduh mynta u bnai.
Ha ka kyrwoh khubor, la ong ba ha kane ka jingjied ïa ki khynnah ki la don haduh 23 ngut kiba wan ban ïashim bynta bad napdeng kine 6 ngut ki dei ki kynthei bad 17 ngut ki shynrang.
Shuh shuh la ong ruh ba napdeng kitei ki khynnah 15 ngut na ki shynrang ki la shah jied bad 5 ngut na ki khynnah kynthei na ka Under-15 (Girls) kiba kynthup ïa ka Banriakor Diengdoh, Adalyn Fedelia Lyngkhoi, Rijanailin L.Peinlang, Rafinia Ryntathiang bad ka Mendy Adreena L. Mawlong.
Katba 15 ngut ki khynnah shynrang ha ka Under-16 kiba la shah jied ki kynthup ïa u Willbert L. Mawnai, Jopshuwa L. Mawnai, Keeper Willson Sun, Weldone Marngar, Arwanmeki Lyngkhoi, Dabet -bhalang Kharjana, Meïaitei Sun, Jemmilson Marngar, Carmilius Marbaniang, Bantei Steven Kharda-thew, Phrangbanjop L. Marshillong, Evenfranky Marbaniang, Marvin Myrthong, Larikyrpang L. Mawnai bad u Andrewstarfill Rani.
