Shillong, Lber 02
Ki bor pahara ha kane ka ilekshon MP ki la ïoh kurup pisa, kyiad, drok bad kiwei ki tiar remdor naduh ba la pyntreikam ïa ka ‘Model Code of Conduct (MCC)’ haduh ka 31 tarik Lber ha kaba ki jingïoh kurup baroh ki la kot sha ka `. 3.88 klur.
La ïathuh ba ki jingïoh kurup ki kynthup ïa ka pisa, drok, kyiad bad kiwei kiwei ki jingsam sngewbha ha baroh kawei ka Jylla naduh ba la pynbna ïa ka ilekshon.
Ka jingkurup ka kynthup ka pisa kumba T.18 lak, ka kyiad kumba 16206.69 litar kaba shong dor T.28.94 lak, u drok kumba 123936.91 gram uba shong dor T..139.0892 lak, ka jingsam ki tiar ki tar kumba 1083 tylli, ki tiar ba remdor nalor kiwei pat ki tiar.
La ong ba tang ka jingïoh kurup ha ka 1 tarik Ïaïong ïa ka pisa ka long T.14.77368 lak.
Ki bor pynïaid ilekshon ki la peitngor bad buh ïa ki nongpahara ha kylleng ban talasi ïa kiba rah pisa bad kiwei kiwei ki tiar ki tar kiba pyndonkam ban ai ha ka por ilekshon.
Ka jingthep ‘vote’ ha kane ka ilekshon sha Ïingdorbar Lok Sabha na Shillong bad Tura Lok Sabha konstitwensi kan long ha ka 19 tarik u Ïaïong bad ka jingñiew ‘vote’ kan long ha ka 4 tarik Jylliew.
