Shillong, Ïaïong 02
Ka lympung ïalehkai Super Division Cricket League 2024 ba la pynïaid da ka Shillong Cricket Association ka la nangjam shaphrang ha kaba ka Sputnik CC ka la khur jingjop hadien ba ka la lah ban pynliem noh ïa ka Nongmynsong CC da 17 run ha ka Sngi Ba-ar.
Ha kane ka jingïakhun kaba la long ha madan Polo, ka Sputnik ka la kam trai ban tied nyngkong ha kaba ka la kamai 196 run bad shah pynhap 10 wiket ha ki 44.1 over. U Swarajeet Das u la ïoh ïa ka shiteng spah da kaba kamai 77 run na ki 78 bol bad u Rajesh Tati u la ïoh 27 run na ki 30 bol. Katba u Anish Charak u la shim 3 wiket bad 2 wiket da u Raghav Magotra.
Haba wan beh ïa ka thong ka Nongmynsong ka la kamai tang 179 run bad shah pynhap 10 wiket ha ki 42.3 over. U Pushkar Raj u la tied 36 run na ki 27 bol bad u Jaskirat u la ïoh 37 run na ki 77 bol. Katba u Swarajeet Das bad u Saurav Sharma ki la shim mar 3 wiket. Ïa ka nam Player off the Match la khur da u Swarajeet Das.
