Shillong, Ïaïong 03
Ka South Asian Fellowship of Golfing Rotarians (SAFGR) ha ryngkat ka Rotary Club of Orchid City, kin pynlong ïa ka lympung ïalehkai tied golf kaba ar sngi ha kane ka nongbah kaban sdang naduh ka Sngi Palei.
Kane ka lympung ka long ban wanrah ïa ka mynsiem jingïalehkai bad ruh ban kyntiew ïa ki nongïalehkai ba ki ïashim bynta ha ka jingïalehkai tied golf.
Ka jingthmu jong kane ka lympung ka long ban rat dyngkhong ïa ka jingpang Polio kaba ktah ïa ki khyllung bad ruh ban kyntiew ïa ki kam jngoh kai ha kane ka Jylla.
U General Secretary ka Rotary Club u Subhashish Chatterjee u la ïathuh ba ha kane ka lympung ym wan ïashim bynta kumba 50 ngut ki nongïalehkai kiba la pynïasoh sha kane ka Rotary kynthup na Bangladesh, Nepal bad kiwei ki ri marjan.
