Shillong, Ïaïong 03
Ïa ka prokram wad khynnah ïalehkai ba kynsai lane ka talent hunt program kaba hap hapoh ka Khelo India Rising Talent Hunt (KIRTI-MyBharat), yn pynlong ha kane ka nongbah naduh 8 haduh 10 tarik mynta u bnai.
Ki khynnah ki ban wan sha kane ka prokram ka ban long ha Sports Authority India (SAI) Training Centre, Shillong, kin dei na ka jingïalehkai Athletics, Boxing bad ka Football.
Ka jingpynrung kyrteng ïa ki khynnah sha kane ka prokram kan long naduh 8 baje mynstep haduh 12 baje mynsngi ha kitei ki lai sngi bad ka jingkhmih bniah kan long haduh ka por 5:30 janmiet.
Kane ka prokram kan kynthup naduh ka jingkhmih bniah ïa ka bor met bor phad lyngba ki kor ki bor lem bad ki tes (Skill based tests) halor ka jinglah ki khynnah ha la ki jong ki rta. Kane ka long kat kum ka kyrwoh ba la pyllait da u T.S Chavhan, Assistant Director ka SAI, STC, Shillong.
