Jowai, Ïaïong 04
Ka Mupliang Cricket Club ka la pynliem noh ïa ka Phramer Cricket Club da 20 run ha ka lympung ïalehkai District Cricket League 2024 ba la pynïaid da ka West Jaiñtia Hills District Cricket Association (WJHDCA) ha ka Sngi Palei ha Khliehtyrshi Mini Stadium.
Ka Mupliang kaba la jop ïa kynting pisa, ka la kam trai ban tied nyngkong ha kaba ka la kamai 171 run ha ki 28.5 over bad shah pynhap baroh ki nongtied. U Byforcestar Dhar ula tied 42 run na ki 33 bol, u Wanker Sana u la ïoh 35 run na ki 31 bol bad u Echwa Phawa ula tied 22 run na ki 25 bol.
Naka liang u nongka-wang bol ka Phramer, u Deimiki Rabon ula khur 4 wiket, katba ïa ki ar wiket la khur da u Ïaineh Suchiang bad u Hamm Lyngdoh.
Haba wan beh ïa ka thong, ka Phramer ka la kamai tang 151 run ha ki 25.5 over bad shah pynhap baroh ki nongtied. U Denis Lyngdoh ula tied 17 run na ki 28 bol, u Sauni Nongtdu ula ïoh 15 run na ki 14 bol bad u Pyrkhat Sari ula tied 15 run na ki 21 bol. Katba u nongkawang bol ka Mupliang, u Saunihi Patwet khur 2 wiket.
Ïa ka nam ‘Man of the Match’ la khur da u Saunihi Patwet jong ka Mupliang Cricket Club.
