Shillong Ïaïong 04
Ki nongthep ‘vote’ kiba la kynjoh 85 snem ka rta shaneng bad kiba don jingduna dkhot met ki don 21,900 ngut bad kine ki ïoh lad ban thep ‘vote’ na la ïing kaba la sdang naduh ka Sngi Palei.
Na ki 21,900 ngut, haduh mynta ki la don 6,106 ngut kiba la jied ban thep ‘vote’ na la ïing kiba la kynjoh 85 snem ka rta bad kiba duna dkhot met na baroh ar tylli ki konstitwensi ka Shillong bad Tura Lok Sabha konstitwensi.
Ha Shillong Lok Sabha konstitwensi ki don 8,173 ngut kiba la kynjoh 85 snem shaneng bad 8,515 ngut kiba duna dkhot met. Ha Tura Lok Sabha konstitwensi, ki don 2,007 ngut kiba la kynjoh 85 snem shaneng bad 2,682 ngut kiba duna dkhot met.
Kiba la dep pyndap kyrteng katkum ka Form 12D ban thep ‘vote’ na la ïing ki don 3,424 ngut na Shillong Parliamentary konstitwensi bad 2,682 ngut na Tura Parliamentary konstitwensi.
Ka jingthep ‘vote’ na la ïing kan kut shisngi shwa ka jingthep ‘vote’ paidbah kata ha ka 19 tarik mynta u Ïaïong.
