Shillong, Ïaïong 05
Ka kynhun ïalehkai athletics U-17 ka Jylla ka la mih na ka nongbah ban leit shim bynta ha ka lympung ïalehkai 67th National School Games 2024 ka ban long ha Patliputra Sports Complex, Kankarbagh, Patna naduh ka 6 tarik haduh ka 9 trik mynta u bnai.
Ka jingpynlong ïa kane ka lympung ka long ban tei ïa ka met ka phad bad bor pyrkhat kaba koit ba khlaiñ bad kumjuh ban sei madan ïa ki sap ïalehkai ba nylla khnang ba kin lah ban mih paw wat ha ki lympung ïalehkai ba heh jong ka ri.
Ha kane ka kynti ka tnat ïalehkai ka la lah ba kan sei madan haduh 15 ngut ki khynnah ïalehkai ryngkat bad lai ngut ki nongïarap.
Ki kyrteng jong ki khynnah ha liang kynthei ki long ka Melibad Kro (Javelin Throw & Discus Throw), Turoi Phawa (Long Jump & 100 mts.), Rukini R.T Dkhar (800 mts & 400 mts.), Enriyana G. Momin (Long Jump), Kasanchi Donesa J. Marak (100 mts), Lyntijingkyrmen K. Jahrin (3000 mts), Anuskha Majong (High Jump), Sibilda Maring (High Jump).
Katba na ka liang ki khynnah shynrang pat kiba la shah jied ban mihkhmat sha kane ka lympung ki long u Henry Yoga A. Sangma (100 mts), Bettingstar N. Marak (Long Jump), Ïoh I Ksan Lyngdoh (100 mts & 200 mts), Percioustar Bey (High Jump), Knerlang Phawa (1500 mts & 3000 mts), Ram Shylla (1500 mts & 3000 mts), Rones Taro (Long Jump & High Jump). Katba ki coach ki long u Bah Biningstar Lyngkhoi bad ka Threza A. Sangma, katba u Wickbond L. Mawlong kum u Manager.
