Shillong, Ïaïong 07
Ka Spartan Cricket Club ka la khur jingjop ha ka lympung ïalehkai Super Division Shillong Cricket League ba la pynïaid da ka Shillong Cricket Associa-tion kaba la long ha ka Sngi U Blei ha madan Polo.
Haba phai sha ka jing-ïalehkai, ka Spartan kaba la jop ka jingkynting pisa bad kam trai ban tied nyngkong, ka la kamai 157 run na ki 36.3 over bad hap lut baroh ki wiket.
Ki nongtied ka Spartan kiba la ïoh kamai run ha kane ka jingïalehkai ki long u Ankit Yadav uba la tied 45 run na ki 44 tylli ki bol bad u Mani Bhushan Thakur u la tied 24 run na ki 43 tylli ki bol. Katba u Dawa Waiba ka Raj Bhawan uba la kawang 6 over u la khur 3 wiket bad ai 23 run bad u Rahul Shah pat na ki 8.3 over kiba u la kawang, u la khur 3 wiket bad ai 34 run.
Haba beh ïa katei ka thong, ki nongtied ka Raj Bhawan ki la lah ban kamai tang 86 run bad hap lut baroh ki wiket na ki 27.2 over, kaba la pynlong ba kin shah rem noh da 71 run. Dei tang u Pankaj Mandal uba la tied haduh 15 run na ki 39 tylli ki bol bad u Wanjo Mawroh uba la tied 13 run na ki 24 tylli ki bol, katba u Suprio Chanda uba la kawang 6.2 over u la ai 21 run bad khur 5 wiket, u Gagandeep Singh pat u la khur 3 wiket na ki 5 over bad ai 21 run.
Ha kane ka jingïaleh-kai ka Spartan ka la jop da 71 run bad ha kane ka sngi ïa ka nam ‘Player of the Match’ la ïoh da u Supriyo Chanda uba la khur haduh 5 tylli ki wiket.
