Shillong, Ïaïong 07
Ka Maitshaphrang Khasi League Basketball Tournament kaba la pynlong da ka Khasi Students Union (KSU) Mawlai Circle ha Madan Basketball, Mawlai Nongpdeng ka la ïaid shaphrang bad ha ka Sngi Saitjaiñ ki la don 7 tylli ki jingïalehkai.
Ha ka liang ki shynrang ki la don 6 tylli ki jingïalehkai, katba ha ka liang ki kynthei ka la don tang kawei ka jingïakhun.
Haba phai sha ka jingïalehkai ki shynrang, ka Eagle Elite ka la lah ban pynliem noh ïa ka Dubakh G da 33 la 6 point. U Damebabitbor Chyne jong ka Eagle Elite u la ïohpdiang ïa ka nam ‘Player of the Match’. Ka Ri Ar Promoters ka la pynliem noh ïa ka Youngbloods da 42 la 19 point bad u Jeff Syiem u la ïohpdiang ïa ka nam ‘Player of the Match’.
Ka PATM ka la pynrem noh ïa ka Dubakh C da 48 la 43 point bad ïa ka nam ‘Player of the Match’ la ïohpdiang da u Gilbert Kharkangor jong ka PATM.
Ka Shipara ka la pynliem noh ïa ka Black Diamond da 38 la 29 point, katba ka Iaineh A ka la pynrem noh ïa ka Lussco da 55 la 44 point bad ïa ka nam ‘Player of the Match’ la ïohpdiang da u Lucky jong ka Iaineh.
Ka FKJGP ka la pynliem noh ïa ka Dubakh B da 46 la 33 point bad u Iaishanlang u la ïohpdiang ïa ka nam ‘Player of the Match’.
Haba phai pat sha ka jingïalehkai ki kynthei, ka Touchline ka la pynrem noh ïa ka Dubakh D da 51 la 10 point bad ïa ka nam ‘Player of the Match’ la ïoh da ka Cheryl Blah jong ka Touchline.
