Shillong, Ïaïong 07
Ka jingdon ki nongthep kynthei lada kheiñlang ha baroh ar tylli ki konstitwensi kata ha Shillong bad Tura Lok Sabha konstitwensi ka kham tam ban ïa ki nongthep ‘vote’ shynrang. Hynrei ha Tura Lok Sabha konstitwensi ki kham bun ki nongthep ‘vote’ shynrang ban ïa ki kynthei.
Na ki 22,26,567 ngut ki nongthep ‘vote’ ha ka Jylla, ki kynthei ki don 11,27,047 ngut katba ki shynrang ki don 10,99,517 ngut.
Ha Shillong Lok Sabha konstitwensi, ki kynthei ki don 7,16,643 ngut katba ki shynrang ki don 6,83,766 ngut.
Ha Tura Lok Sabha konstitwensi pat, ki tam ki shynrang ban ïa ki kynthei. Ki shynrang ki don 4,15,751 ngut katba ki kynthei ki don 4,10,404 ngut.
Ki jaka thep ‘vote’ ki don 3,512 tylli ha baroh ar tylli ki konstitwensi, kata, 2,288 tylli ha Shillong konstitwensi bad 1,224 tylli ha Tura Lok Sabha konstitwensi.
Na kine ki jaka thep ‘vote’, 88 tylli yn pynïaid hi da ki kynthei ïa ka jingthep ‘vote’ katba 37 tylli yn pynïaid tang da ki samla bad 10 tylli yn pynïaid ïa ka jingthep ‘vote’ da kiba don jingduna ha ki dkhot met. Ki don 60 tylli ki jaka thep ‘vote’ kiba kham kyrpang kiba tip kum ki ‘model polling station’.
