Shillong, Ïaïong 07
Ka jingïalehkai jong ka lympung Shillong Premier League (SPL) 2023-2024 ba la pynïaid da ka Shillong Sports Association (SSA) kan bteng biang naduh ka 8 tarik mynta u bnai kaba dei ka Sngi Nyngkong bad ka jingïakhun ha kane ka sngi kan long hapdeng ka Ryntih Sports Club pyrshah ïa ka Rangdajied United Football Club.
Kane ka jingïakhun kan sdang ha ka por 3 baje janmiet ha madan ïalehkai ka SSA ha Polo.
Kumba ka long mynta, ka Rangda-jied United FC kaba dang ïakhun tang ar tylli ki jingïalehkai, ka la ïoh ban khur jingjop ha baroh ar tylli, katba ka Ryntih SC pat na ki 3 tylli ki jingïalehkai, ka dang jop kawei, ïakhaid kawei bad shah rem ha kawei.
