Shillong, Ïaïong 07
Ka PFR Football Acade-my kaba long kawei ka shlem ai jinghikai phutbol mynta ka kynti ka la ïoh ban plie sa kawei ka shlem ai jinghikai phutbol ha shnong Mawpynthih kaba ha East khasi Hills ha kaba ki shnong ba marjan kum ka Pomlakrai, Nong-krem, Laitkor, Smit bad kiwei ki la ïoh ka lad ban phah ïa la ki jong ki khun ha katei ka jaka ban kham jan ym shuh ban wan shaduh sha sor.
Ïa katei ka shlem ai jinghikai la plie ha ka Sngi Saitjaiñ ka 6 tarik bad ki khynnah ba wan pynïasoh ki don haduh 60 ngut tam.
Shwa ban sdang plie pyrda ïa kane shlem, la pynlong da ka jingïalehkai paralok ha kaba saw tylli ki kynhun ki la wan ïa-shim bynta na katei ka shnong bad marjan ha ryngkat bad ka PFR Foot-ball Team. Ka nam lahduh ha katei ka jingïalehkai la rah da ka Nongkynrih FC kaba la pynliem ïa ka PFR Reserved Football Team da 1-0 kol.
La plie ïa katei ka shlem ai jinghikai da u President ka Academy u samla Franky Kharumnuid ha ryngkat ka jingïadonlang ki Coach kum u Mickson, Robin bad Am-rit. Ha kane ka sngi la pyllait ïa ka jersey da u Coach ba dei khmih ha Mawpynthih Bah Mick-son bad la shim ïa ka bynta ban pyllait ïa ki tiar lehkai da u Secretary ka Dorbar Shnong Maw-pynthih bad la don bynta lang ruh da ki nongkitkam ka Mawpynthih Sports Club.
