Shillong, Ïaïong 07
Ka Meghalaya Basketball Associa-tion (MBA) ryngkat bad ka District Basketball Association ki la pynlong jingjied ïa ki nongïalehkai Basketball ha ka wat kaba nyng-kong na ka bynta ka Meghalaya U-18 Basketball Team jong ki khynnah Kynthei bad Shynrang jong ka rilum Garo ha ka Sngi Saitjaiñ.
Kane ka jingjed ïa ki nongïaleh-kai ka dei kum shi bynta jong ka jingpynkhreh ban leit ïashimbynta ha ka 74th Junior Basketball Cham-pionship, kaban long ha Indore ha u bnai ban wan.
Ïa katei ka jingjied ïa ki nongïa-lehkai la pynlong ha Basketball Court jong ka Don Bosco College ha kaba ki Coach kiba tbit bad kiwei kiwei ki la bishar sani ïa ka rukom ïalehkai jong ki khynnah na rilum Garo.
Ki la don 29 ngut ki khynnah na kylleng ki bynta jong ka rilum Garo kiba la wan ban ïashimbynta ha kane ka jingpyrshang kiba kynthup 21 ngut ki shynrang bad 8 ngut ki kynthei kiba la pyni ïa ka sap ka jong ki ha ka jingïalehkai Basketball ban shah jied ban ïoh ïalehkai ha ka kynhun jong ka Meghalaya U-18.
Hadien ka jingkhmih bad jingbishar bniah la jied ïa ki 6 ngut ki nongïalehkai kiba kynsai kiba kynthup 4 ngut ki shynrang bad 2 ngut ki kynthei bad kine kin hap ban ïashimbynta sa ha ka jingpyrshang jong ka wat ba-ar kaban long ha Shillong.
Ki shynrang kiba la shah jied ki kynthup ïa u Asim Jakrikra D Marak, u Milo Arengh kiba na East Garo Hills, u Jaisen M Sangma na West Garo Hills bad u Jordan G Momin na North Garo Hills.
Ki kynthei kiba la shah jied ki kynthup ïa ka Tengsilchi B Marak na West Garo Hills bad ka Mechira N Sangma na South Garo Hills.
