New Delhi, ïaïong:
Ki pulit jong ka Gurugram ki la sdang ïa ka jingpyntreikam ban lum ïa 8,599 tylli ki tiar siat, kynthup ïa ki suloi bad ki pistol ki bym shah pyrkhing ban pyndonkam, na ki 6,644 ngut ki briew kiba ïoh Licence ban buh ïa ki tiar siat ha ka nongbah haduh ka 25 tarik, Ïaïong katkum ka jingtreikam jong ka Model Code of Conduct na ka bynta ka ilekshon Lok Sabha 2024, la ïathuh ki heh ba dei khmih halor kane ka bynta.
U Deepak Gahlawat, uba long u Deputy Commissioner of Police (headquarters), u la ong ba ka la don ka kynhun jong ki lai ngut ki dkhot ba la khlieh da ki heh sorkar jong ka Arms Licence and Electioneering Sections ba la thaw na ka bynta ban pyntreikam bad ban pyntreikam halor ka bynta lada don ka jingkyrpad bap hah da kino kino ki nongbat Licence.
Na ki 6,644 ngut ki riewpaidbah kiba don ïa ki Licence ba ïoh jingbit ha ka ban buh ïa ki tiar siat ha Gurugram, kiba bun tam ki la long ha Civil Lines ha kaba ki la don 409, ha kaba la bud da 296 ngut ha Gurugram Sadar bad 250 ha Badshahpur, la ïathuh ki heh pulit.
Ki pulit ki la hap ban lum ïa baroh ki jingpynrung kyrteng ha kaba ïadei bad ka jingbuh ïa ki tiar siat ha ka nongbah kumba shi bnai hashwa ka 25 tarik, Jymmang, kaba dei ka tarik ban pynlong ïa ka jingthep vote ha Haryana.
Katkum ka jingtreikam jong ka Model Code of Conduct, ki briew kiba ïoh ban bat ïa ki tiar siat kiba la ïoh Licence ki la hap ban leit aiti ïa kine ki tiar siat jong ki ha ki jaka treikam jong ki pulit ne ha ki jaka ba ki la pynrung kyrteng ha kaba ïadei bad ka jingthied ïa ki tiar siat bad kin sa lah ban leit shim biang ïa ki hadien ba la kut noh ka jingtreikam jong ModelCcode of Conduct.
