Jowai, Ïaïong 08
Ka ïingbishar Special Judge (POCSO) jong ka West Jaiñtia Hills, ka la rai pynshitom da kaba set patok haduh 10 snem bad daiñ kuna ïa u kpa uba leh be-ijot ïa ka khun lajong.
Ha ka 13 tarik Nohprah 2008, ka kmie jong kane ka khynnah ka la ujor ha u ophisar ba peit ïa ka thanat Jowai halor ka jingleh be-ijot u kpa ïa ka khun lajong ha ïingsah ha nongbah Jowai.
Kumta ïa ka mukotduma la pynrung hapoh ka thanat Jowai katkum ka case No 155(12) 2008 U/s 376 IPC bad ba la shimti ïa ka jingtohkit da ka WPSI O Tyngkan.
Hadien ka jingtohkit la pynngat ïa une u runar hapoh ka kyndon U/S 376/511 IPC.
Ha ka 4 tarik Ïaïong 2024 katba dang ïaid ka jingbishar, utei u runar u la shah pynrem bad pynngat hapoh ka kyndon 376 (2)(f) IPC bad ha ka 8 tarik Ïaïong la rai set patok ïa u 10 snem ryngkat ka kuna kaba ` 5,000.
Ka ïingbishar ka la phah siew ruh T. 3 lak sha katei ka lanot.
