Shillong, Ïaïong 08
Ka shlem treikam jong ka District Sports Officer (DSO) East Jaiñtia Hills kan pynlong ïa ka lympung ïalehkai ba la tip kum ka District Level Inter School Athletic Meet 2024 naduh 25 haduh 27 tarik mynta u bnai ha Khliehriat.
Ïa kane ka lympung la phiah ha la ki jong ki kyrdan ïalehkai kiba kynthup ïa ka Under-14, Under-16 bad ka Under-18 na ka bynta ki khynnah shynrang bad kynthei.
Ki jingïalehkai ki kynthup ïa ka jingïakob mareh bapaher bapher nalor ka Long Jump, High Jump, Shot Put, Discus Throw bad Javelin Throw.
Katei ka shlem treikam ka la pyntip ba ki khynnah U-14 ki dei ban long kiba la kha hashwa ka 30-12-2010, katba ha ka Under-16 ki dei ban long kiba la kha hashwa ka 30-11-2008 bad na ka bynta ka Under-18 ki dei ban long kiba la kha hashwa ka 30-11-2006.
