Shillong, Ïaïong 08
Ka Royal CC ka la ïoh jingjop ha ka Super Division Cricket League hadien ba ka la lah ban pynliem noh ïa ka Sunrise CC da 39 run ha ka Lah Sngi U Blei ha madan Polo.
Ha kane ka jingïa-khun, ka Sunrise kaba la jop ïa ka kynting pisa, hynrei ka la ailad ïa ka Royal ban tied nyngkong ha kaba ka la kamai 218 run bad shah pynhap 10 wiket ha ki 38.2 over. U Nishanta Chakraborty u la ïoh ban khyrwit ïa ka 100 run na ki 83 bol bad u Josiah Cheran Momin u la ïoh 31 run na ki 46 bol. Katba u Mainsh Sangma u la khur 6 wiket bad ïa ki 2 wiket la khur da u Binay Kumar.
Haba wan beh ïa ka thong, ka Sunrise ka ka la kamai tang 179 run bad shah pynhap 10 wiket ha ki 37.1 over. U Krishna Chettri u la tied 46 run na ki 27 bol bad u Manish Sangma u la ïoh 29 run na ki 50 bol. Katba u Roshan Warbah u la khur 5 wiket bad ïa ki 2 wiket la khur da u Sikander. Ïa ka nam Player of the Match la khur da u Nishanta Chakraborty.
