Shillong, Ïaïong 08
Ka lympung ïalehkai “Maitshaphrang Khasi League Basketball 2024” ba la pynlong da ka Khasi Students’ Union (KSU) ka la nang jam shaphrang ha ka Lah Sngi U Blei ha madan ïalehkai basketball jong ka Mawlai Nongpdeng.
Ha kane ka sngi la lah ban pynlong ïa san tylli ki jingïakhun jong ki shynrang bad kawei jong ki kynthei.
Ha kane ka jingïakhun, ka Shipara ka la lah ban pynliem noh ïa ka KSU Mawprem da 63-30 basket bad ïa ka nam Player of the Match la khur da u G.Wanñiang. Ka IAATM ka la jop ïa ka ONYX da 51-21 basket bad ïa ka nam Player of the Match la khur da u Banker Nongrang.
Ka LUSSCO ka la lah ban pynliem noh ïa ka Dubakh ‘G’ da 61-15 basket bad ïa ka nam Player of the Match la khur da u Hame Wahlang. Ka Dubakh ‘D’ ka la jop ïa ka Mawïong da 42-39 basket bad ïa ka nam Player of the Match la khur da u Bernard Lyngdoh. Ka Umsning SCC ka la jop da ka said ïa ka Nangkiewshaphrang kata da 38-37 basket bad ïa ka nam Player of the Match la khur da u Emmerson Lapang.
Haba phai sha ka jingïakhun ki kynthei, ka Swish Hustlers ka la lah ban pynliem noh ïa ka St. Mary’s School Laitumkhrah da 37-32 basket bad ïa ka nam Player of the Match la khur da ka Fedelia E. Lamare.
