Shillong, Ïaïong:
Ka Usha International, kaba dei kompeni suhjaiñ ba heh tam ha India ka la ïatehlok mynta bad ka Fashion Institute ba bna nam ha ka ri, ka NIFT (National Institute of Fashion Technology) shi bynta ban ai khusnam ïa ki nongsuh riam ba tbit kiba la pyndep ïa ka jingai jinghikai ba pura na ki jaka pule bapher bapher kynthup na Bengaluru, Bhubaneswar, Bhopal, Chennai, Gandhinagar, Hyderabad, Jodhpur, Kangra, Kannur, Kolkata, Mumbai, New Delhi, Panchkula, Patna, Raebareli, bad Shillong.
Ha ka jingpynkup burom ha Shillong, ka Ledaroi Laloo ka la ïohrah ïa ka nam lahduh bad ka la ïohrah ïa ka Usha NIFT ‘Best Garment Construction Award 2024’ award da ka Ms Jesmina Zeliang, Founder – Heirloom Naga & Cane Concept ha ka jingdonlang ka Ms Tanu Kashyap, I.A.S, Director General, xxxx, Dean (academics) NIFT, bad Mr Shankar Kumar Jha, Director NIFT Shillong.
Ka Ledaroi Laloo ka la ïohpdiang ruh ïa ka Usha Janome Allure DLX Automatic Sewing Machine, ka syrnod bad ka khusnam pisa T.10,000. Ha ka por janmiet ka la don sa ka jingïakynduh lang ki dkhot ka NIFT bad ki samla pule ha ryngkat ki kmie ki kpa. Ka Usha ka ju pynlong beit man u snem ban sam ïa kane ka khusnam naduh u 2000.
Haba kren shaphang ka Association, u nongaiktien ka Usha u la ong, “kum ka dak ka jingïatehlok bad ka NIFT, ngi mynjur ban ai jinghikai kaba kyrpang ïa kito ki samla nongpynwan dur riam ba donsap bad ban ithuh ïa ka jingtbit jong ki.”
Ka Usha Janome Allure DLX, ka nongshem lad, State-of-the-art Sewing Machine la jop da ka Ledaroi Laloo ka don ïa ki Automatic Needle Threading, ryngkat ka LED Sewing Light, Feed Drop Lever ha ka kam suh kam thaiñ, 13 Built-in stitch Function, bad 21 ki aplikeshon kiba kynthup ïa ka Buttonhole Stitch, Rolled Hemming, Stretch Stitching, Embroidery, Zip Fixing, Quilting, Smocking, bad kiwei kiwei. Ka don ruh ïa ki rukom suh 3x bad kiwei kiwei ki jait kor. Ka Usha Janome Allure DLX Sewing Machine ka dei ka kor suh kaba biang na bynta ki Patern bad kiwei kiwei. Ban tip kham bniah leit ha ka: www.ushasew.com
