Washington, Iaïong:
U President ka United Staes, u Joe Biden, haba iakren bad ki lad pathai khubor ha ka Sngi Ba-ar, u la ong ba ma u bad ka sorkar jong u, ki dang peit thuh la ki lah ne em ban pyndonkam da ka bor bad ki aiñ ba la bun khnang ba yn lah ban khang noh syndon ia u khappud ba sha ka phang South bad ka Mexico khnang ban tehlakam ia ka jing-leit rung be-aiñ jong ki phetwir lyngba jong katei ka bynta khappud ka Mexico bad United States.
Namar u la ong ba ka wat ki kyndon aiñ kiba la ai bor ia u ba un pyndonkam ia katei ka bor ruh, la khang noh ia u da ki Myntri ka Congress bad um don lad shuh ban tehlakam ia katei ka jingwan rung be-aiñ jong ki phetwir na katei ka bynta khappud jong ka US.
