Nongstoiñ, Ïaïong 11
Ka Eastern West Khasi Hills District Cricket Association (EWKHDCA) ka la pynkut noh ïa ka lympung ïalehkai 2nd Eastern West Khasi Hills District T20 Cric-ket Tournament 2024 ha kaba ka Hurricane ka la rah ïa ka nam lahduh hadien ba pynliem noh ïa ka Nongthliew CC ha ka Sngi Palei ha madan KSA Mairang.
Ha katei ka jingïakhun final, ka Hurricane ka la jop ïa ka kynting pisa ha kaba ka la kam trai ban tied nyng-kong da kaba kamai 131 run ha ki 20 over bad shah pynhap 9 wiket. U Jesfulman Marbaniang bad u Shanbor Marngar ki la tied mar 21 run. Katba u Lam-phrang Lawriniang, Komannes Shabong, Arnestar Lawriñiang bad u Kishanstar Kurbah ki la khur mar 2 wiket.
Haba wan beh ïa ka thong, ka Nongthliew ka la kamai tang 129 run bad shah pynhap wiket baroh ki nongtied na ki 20 over. U Lamphrang Lawriniang u la tied 26 run bad u Mining Pathaw u la ïoh 24 run. Katba u Donshailang Ryntathiang u la shim 3 wiket bad 2 wiket da u Jamesrefer Marbaniang bad u Bennedict Rani.
Ïa ka ‘Man of the Match’ la ïoh da u Donshailang Ryntathiang jong ka Hurricane uba la shim 3 wiket, Best Batsman of the Tournament ka leit sha u Mosstarjune Thabah jong ka Unity XI uba la lah ban tied haduh 155 run, ïa ka Best Bowler la ïoh ban khur da u Lamphrang Lawriniang jong ka Nongthliew uba la shim haduh 10 wiket bad ïa ka nam Man of the Series la khur da u Lamphrang Lawriniang hi uba lah lah ban kamai haduh 116 run bad khur haduh 10 wiket ha kane ka lympung.
Ha kane ka sngi la wan ban pyrhap pyrda da u Bah Kiewshaphrang Thabah kum u kongsan uba dei uwei na ki nongtrei mon sngewbha jong ka dong bad ka thaiñ ha ryngkat ka jingdonlang u President bad Secretary jong ka Meghalaya Cricket Association.
