Shillong, Ïaïong 11
Ka ïingbishar jong Special Judge POCSO ka East Jaiñtia Hills District ka la rai pynrem da kaba phah set patok haduh 7 snem ïa u Emlang Dkhar halor ka jingdonkti ban leh be-ijot ïa kawei ka khynnah kynthei kaba dang hapoh 18 snem ka rta.
Katkum ka kyrwoh khubor na u Superintendent of Police (SP) ka East Jaiñtia Hills, u Giri Prasad M, u la pyntip ba ki pulit kiba la ïoh pdiang ïa ka jingujor ejahar, ki la pynrung mukotduma ha thanat Khliehriat hapoh ka Section 376 IPC bad ka Section 6 jong ka POCSO Act. Ïa ka jingtohkit la bynshet ha ka WPSI Kong M Marbaniang. Hadien ba la dep ban tohkit la pynngat kyndon ïa u Emlang Dkhar ha ka 17 tarik, Rymphang, 2015.
Ka ïingbishar kaba la shong bishar ka la lap ba u Emlang Dkhar u dei uba donkti ha kane ka kam runar bad rai pynrem da kaba set patok ryngkat ka kuna kaba T.20,000 hapoh ka Section 376 IPC bad 10 snem hapoh ka Section 6 jong ka POCSO Act bad daiñ kuna T.20,000.
