New Delhi, ïaïong:
U nonghikai Yoga ba tbit u Baba Ramdev bad uba dei kumjuh u nongseng ïa ka Patanjali Ayurved, u la shah pyrshah ha Supreme Court ha ka Sngi Balang ha kaba ïadei bad ka jingpynbna kaba la ïalam bakla ïa ki paidbah, khyndiat sngi hadien ba la phah ïa ka jingpanmap hakhmat ka ïingbishar ha kaba ïadei bad kane ka bynta. Ka Supreme Court ha kane ka sngi ka la ong ba ka jingpanmap ka la long tang ka jingthoh ha ka kot hadien ba ïa u Ramdev bad u Acharya Balkrishna “la lap ba ki la leh ïa kaba bakla haba la bishar bniah ha ïingbishar. “
Kum shi bynta ban kyntait halor ka jingpanmap ba la phah da ka Patanjali, ka Supreme Court ka la maham jur ïa u MD jong ka Patanjali u Acharya Balkrishna bad ïa u nongseng lang ïa ka u Ramdev ba kin long kiba la khreh na ka bynta ka jingshah pynshitom ha kaba ïadei bad ka jingjia. “Ngin ym pdiang ïa kane ka jingpanmap, ngi la kyntait ïa kane. Ngi la ñiew ïa ka ba ka la long ka jingleh khnang, ka jingmut lypa ban leh bymkohnguh halor ka jingpyntreikam,” la ong ka Supreme Court, ha kaba ka la bynrap shuh shuh da kaba ong, “ka jingthoh ka la dei ban leit sha ki paidbah ba bun ym ban pynkheiñ ïa ka hukum jong ka ïingbishar.”
“Ka Patanjali ka la ong ba ki jingpynbna jong ki ki long ban pynïasoh ïa ki briew bad ki dawai Ayurvedic, naba ki la long kiba nyngkong ha ka pyrthei ban lah ban pynmih ïa ki dawai Ayurvedic,” la ïathuh ka ïingbishar bahakhliehduh.
