Shillong, Ïaïong 12
Ka kynhun ïalehkai phutbol U-20 ka Jylla kan pynkhreh ban ïakhun nyngkong pyrshah ïa ka Mizoram ha ka lympung ïalehkai Swami Vivekanan -da U20 Men’s National Football Championship ka ban long ha ka 12 tarik u Jymmang mynta u snem ha Narainpur, Chhattis-garh.
Ïa kane ka lympung la sdang naduh ka Sngi Thohdieng ha Ramakri -shna Mission Ashrama Sports Complex kaba ha Narainpur, Chhattisgarh. Ha kane ka sngi la pynlong ïa ar tylli ki jingïalehkai jong ka Group-E, ha kaba ka Uttarakhand ka la pynliem noh ïa ka Punjab da 3-1 kol bad ka West Bengal ka la ïakhaid mar 1-1 kol pyrshah ïa ka Tamil Nadu.
Ha kane ka lympung ki la don haduh 32 tylli ki kynhun ki ban ïashim bynta. ïa ka jingïakhun final yn pynlong ha ka 22 tarik u Jymmang. Kane ka lympung ka dei kaba la pynkha da ka AIFF hadien ba la pynsangeh noh ïa ka lympung ïalehkai U-21 na ka daw jong ka khlam Covid-19. Kumta kane ka lympung kan long ruh ka jingïarap ïa ki rangïalehkai ba kin ïoh ban ïashim bynta ha ka Santosh Trophy.
Ïa ki kynhun la phiah ha phra tylli ki group ha kaba ka Chattisgarh kaba ïoh pynlong ïa kane ka lympung ka la don ha ka Group-B. Ka Meghalaya ka la don ha ka Group-F kaba kynthup lang ïa ka Rajasthan, Mizoram bad ka Maharashtra.
Nalor ka Mizoram, ka kynhun ïalehkai ka Jylla kan pynkhreh ruh ïa ka jingïakhun pyrshah ïa ka Rajasthan ha ka 14 tarik bad ïa ka Maharashtra ha ka 16 tarik.
Kiwei pat ki kynhun kiba don ha ka Group-A ki long ka Chandigarh, Himachal Pradesh, Odi-sha bad ka Manipur. Katba ka Chattisgarh, Pondi-cherry, Goa bad ka Delhi kiba don ha ka Group-B. Ha ka Group-C ki long ka Uttar Pradesh, Karnataka, Jharkhand bad ka Ladakh. Ha ka Group-D ki long ka Kerala, Haryana, Andhra Pradesh bad ka Gujarat. Ha ka Group-E ki long ka West Bengal, Uttara-khand, Punjab bad ka Tamil Nadu. Group-G ki long ka Tripura, Madhya Pradesh, Assam bad ka Arunachal Pradesh. Katba ha ka Group-H ki long ka Sikkim, Telangana, Bihar bad ka Andaman and Nicobar.
Ïa ka Quarter final yn pynlong ha ka 19 tarik u Ïaïong haduh 18 tarik u Jymmang. Ïa ka Semi final yn pynlong ha ka 20 tarik u Jymmang bad ïa ka final yn pynlong ha ka 22 tarik u Jymmang.
