New Delhi, Ïaïong 12
Ka Election Commission jong ka Ri India (ECI) ka la bthah ïa palat 350 ngut ki nongpeit pyrman ilekshon lane ki ‘Observer’ ba kin pynthikna ba ka jingthep ‘vote’ ha ka 19 tarik Ïaïong, kaba dei ka bynta banyngkong jong ka ilekshon MP Lok Sabha, kan long kaba ïaid beit.
Lah ban kdew ba ha ka ha ka 19 tarik Ïaïong, ka ilekshon kan long ha ki 102 tylli ki konstitwensi kiba don ha ki 21 tylli ki jylla bad na ka bynta kane ka ilekshon, la thung ïa 127 ngut ki General Observer, 67 ngut ki Police Observer bad 167 ngut ki Expenditure Observer. Kine baroh ki la don ha kine ki 102 tylli ki konstitwensi naduh ka 26 tarik Lber.
U Chief Election Commissioner, u Rajiv Kumar, ha ka jingdonlang jong ki Election Commissioner, u Gyanesh Kumar bad u Sukhbir Singh Sandhu, ki la bthah ïa kitei ki nongpeit pyrman ban pynthikna ba ka ilekshon kan long kaba ïaid beit bad ba ha man ki Polling Station kin don ki jingïarap na ka bynta ki nongthep ‘vote’ khamtam ban ïada na ka jingshit kyrang, ban khanglad ïa ka jingpyrshang ban thied ïa ki nongthep ‘vote’, bad ba kan ym don ka jingthut ha ka shongsuk shongsaiñ.
