Jowai, Ïaïong 12
Ka Khliehtyrshi Cricket Club ka la ïoh jingjop da kaba pynliem 4 wiket ïa ka West Jaiñtia Police ha ka lympung ïalehkai ‘District Cricket League 2024’ ba la pynïaid da ka West Jaiñtia Hills District Cricket Association (WJHDCA).
Ha kane ka jingïakhun kaba la long ha ka Sngi Thohdieng ha Khliehtyrshi Mini Stadium, ka West Jaiñtia Police ka la kam trai ban tied nyngkong ha kaba ka la kamai 156 run ha ki 28.4 over bad shah pynhap baroh ki nongtied.
Hynrei haba wan shimti ïa ka pali kaba ar, ka Khliehtyrshi CC ka la lah ban kynjoh sha ka thong da kaba kamai 157 run ha ki 23.4 over bad shah pynhap 6 wiket. U K. Dhar u la tied 38 run na ki 40 bol bad u Mewada Shylla ula ïoh 30 run na ki 22 bol. Katba u Banshngaiñ Rynthat jong ka West Jaiñtia Police ula tied 35 run na ki 33 bol.
U Timi H. Ryngkhlem bad u HD (Player of the Match) na ka Khliehtyrshi ki la khur mar 3 wiket, katba u Monwanmi Dkhar jong ka West Jaiñtia Police u la khur 3 wiket.
