Jowai, Ïaïong 12
Ka lympung ïalehkai ’17th Inter School Badminton Championships 2024′ ba la pynlong da ka West Jaiñtia District Badminton Association (WJDBA), Jowai kan sdang naduh 7 haduh 10 tarik u Jymmang ha Indoor Hall Seiñraij Jowai kaba ha Tpep Pale.
Ki kyrdan ïalehkai ki long naduh ka Under-13, Under-15 bad Under-17 na ka bynta ki khynnah shynrang bad kynthei (Single, Double). Ka tarik khatduh ban pynpoi ïa ki kyrteng jong ki nongïashim bynta kan long ha ka 4 tarik u Jymmang hapoh 6 baje janmiet.
Ki khynnah ïalehkai kim lah ban ïashim bynta palat ïa ar tylli ki kyrdan ïalehkai. Ki nongïashim bynta ki dei ban pynshisha ïa ka rta da ka Adhaar ne Birth Certificate. Ka West Jaiñtia District Badminton Association ka khot bad wer ïa ki skul ban wan ïashim bynta ha kane ka lympung. Ïa ki jingtip kiba kham bniah ki lah ban phone ha u Chairman ne Secretary ka Tournament Committee da kaba phone ha kine ki number 9366115391 & 9436115084.
